మండపేట రూరల్ ఎస్సైగా బల్లా శివకృష్ణ..

మండపేట (CLiC2NEWS): మండపేట రూరల్ ఎస్సైగా బల్లా శివకృష్ణ నియమితులు అయ్యారు. జిల్లా వ్యాప్తంగా సాధారణ బదిలీల్లో భాగంగా శివకృష్ణ బదిలీపై మండపేట రూరల్ కు విచ్చేశారు. ఈయన గతంలో కాకినాడ పోర్ట్, గొల్లప్రోలు, పెద్దాపురం పోలీస్ స్టేషన్ లలో ఎస్సై గా పని చేశారు. ఈమేరకు రాష్ట్ర ప్రభుత్వం బదిలీ ఉత్తర్వులు జారీ చేయడంతో ఆదివారం ఆయన మండపేట రూరల్ ఎస్సైగా బాధ్యతలు స్వీకరించారు.

ఈ సందర్భంగా ఆయన మాట్లాడుతూ.. మండలంలో కరోనా వ్యాప్తి నిరోధానికి తీసుకోవాల్సిన చర్యలపై దృష్టి పెడతానని అన్నారు. కోవిడ్ నిబంధనలు సక్రమంగా అమలు జరపడానికి కృషి చేసి వైరస్ ను అడ్డుకుంటామని అన్నారు. అదే విధంగా మండలంలో శాంతి భద్రతల పరిరక్షణకు కృషి చేస్తానని అన్నారు. ట్రాఫిక్ సమస్యలు లేకుండా చూస్తానని అన్నారు. తాపేశ్వరం వచ్చేసరికి నిత్యం ట్రాఫిక్ అంతరాయం ఏర్పడుతుందని తెలిసిందని అక్కడ ట్రాఫిక్ సమస్య తలెత్తకుండా చర్యలు తీసుకుంటానని తెలిపారు.