ఏపీలో కొత్తగా 831 కరోనా కేసులు
హైద‌రాబాద్‌: ఏపీలో కరోనా తగ్గుముఖం పట్టడంతో ప్రజలంతా ఇప్పుడప్పుడే రిలీఫ్ అవుతున్నారు. రాష్ట్ర వైద్య, ఆరోగ్య శాఖ విడుదల చేసిన బులిటెన్‌లో గడిచిన 24 గంటల్లో కొత్తగా 831 కరోనా కేసులు నమోదయ్యాయి. దీంతో ఇప్పటి వరకు నమోదైన మొత్తం కరోనా కేసుల సంఖ్య 8,64,674 కి చేరింది. ఇందులో 8,45,039 మంది ఇప్పటికే డిశ్చార్జ్ కాగా, 12,673కేసులు ఇంకా యాక్టివ్ గా ఉన్నాయి. ఇక గడిచిన 24 గంటల్లో ఏపీలో కరోనాతో 6 మంది మృతి చెందారు. దీంతో ఏపీలో ఇప్పటి వరకు కరోనాతో మృతి చెందిన వారి సంఖ్య 6,962 కు చేరింది. అలానే జిల్లా వారీగా చూస్తే అనంతపురంలో 34, చిత్తూరు 74, తూర్పుగోదావరి జిల్లాలో 126, గుంటూరు 90, కడపలో 37, కృష్ణాలో 145, కర్నూలులో 28, నెల్లూరు 51, ప్రకాశంలో 12, శ్రీకాకుళంలో 23, విశాఖపట్నంలో 58, విజయనగరంలో 18, పశ్చిమ గోదావరిలో 135 కేసులు నమోదయ్యాయి.