ఒకేసారి 150 మంది టీఆర్ఎస్‌ అభ్యర్థుల పేర్లు ప్రకటన?
హైదరాబాద్: గ్రేటర్‌ హైదరాబాద్ మున్సిపల్ కార్పొరేషన్ ఎన్నికలకు అభ్యర్థులను ఖరారు చేసింది టీఆర్ఎస్‌ పార్టీ… ఇవాళ రాత్రి గానీ లేదా రేపు గానీ అభ్యర్థుల పేర్లను ప్రకటించే అవకాశం ఉంది… మొత్తం 150 వార్డులకు ఒకేసారి అభ్యర్థులను ప్రకటించనున్నారు. కాగా, కొందరు సిట్టింగ్ కార్పొరేటర్లను మార్చే అవకాశాలు కూడా ఉన్నాయని చెబుతున్నారు. దీంతో.. తమకు మళ్లీ సీటు వస్తుందో..? రాదో..? అనే టెన్షన్‌ సిట్టింగుల్లో నెలకొంది. ఎప్పుడు ఆ జాబితా విడుదల అవుతుందోననే ఉత్కంఠతో ఎదురుచూస్తున్నారు నేతలు. తమకు సీటుపై కొంత క్లారిటీ ఉన్నా.. తుది జాబితాలో ఏం మార్పులు ఉంటాయోనని టెన్షన్‌ నేతల్లో నెలకొంది.