దేశంలో కొత్తగా 11,610 కొవిడ్‌ కేసులు

న్యూఢిల్లీ : దేశంలో గడిచిన 24 గంటల్లో కొత్తగా 11,610 కొవిడ్‌ పాజిటివ్‌ కేసులు న‌మోద‌య్యాయి. ఈ మేర‌కు బుధ‌వారం ఉద‌యం కేంద్ర కుటుంబ, ఆరోగ్యమంత్రిత్వశాఖ బులిటెన్ విడుద‌ల చేసింది. తాజా కేసుల‌తో క‌లిపి మొత్తం దేశంలో న‌మోదైన కేసుల సంఖ్య 1,09,37,320కు పెరిగింది. అలాగే తాజాగా 11,833 మంది కోలుకున్నార‌ని పేర్కొంది. తాజాగా కోలుకున్న వారితో క‌లిపి ఇప్పటి వరకు దేశంలో 1,06,44,858 మంది కోలుకున్నారు. అలాగే 24 గంట‌ల్లో మరో వంద మంది క‌రోనాతో మృతిచెందారు. దాంతో దేశంలో క‌రోనా మృతుల సంఖ్య 1,55,913కు పెరిగింది. ప్రస్తుతం దేశంలో 1,36,549 యాక్టివ్‌ కేసులున్నాయని మంత్రిత్వశాఖ పేర్కొంది.