AP Corona: కొత్త‌గా 22,517 కేసులు.. 98 మ‌ర‌ణాలు
అమ‌రావ‌తి (CLiC2NEWS): ఆంధ్రప్ర‌దేశ్‌లో క‌రోనా సెకండ్ వేవ్ విజృంభిస్తోంది. కేసుల సంఖ్య రోజురోజుకి పెరిగిపోతోంది. గ‌త 24 గంట‌ల వ్య‌వ‌ధిలో రాష్ట్రంలో 89,535 శాంపిల్స్ పరీక్షించగా 22,517 మందికి కోవిడ్ పాజిటివ్ నిర్ధార‌ణ అయ్యింది. ఈ మేర‌కు రాష్ట్ర వైద్య ఆరోగ్య‌శాఖ శ‌నివారం సాయంత్రం క‌రోనా బులిటెన్ విడుద‌ల చేసింది. తాజా కేసుల‌తో క‌లిపి ఇప్ప‌టి వ‌ర‌కు రాష్ట్రంలో మొత్తం పాజిటివ్ కేసుల సంఖ్య 14,11,320 కి చేరింది.
గ‌డిచిన 24 గంట‌ల్లో కోవిడ్‌తో 98 మంది మృతి చెందారు. ఇప్ప‌టి వ‌ర‌కు రాష్ట్రంలో 9,271 మంది ప్రాణాలు కోల్పోయారు. తాజాగా 18,739 మంది పూర్తిస్థాయిలో కోలుకున్నారు. ఇప్ప‌టి వ‌ర‌కు మొత్తం రాష్ట్రంలో 11,94,582 క‌రోనా నుంచి కోలుకున్నారు. ప్ర‌స్తుతం రాష్ట్రంలో 2,07,467 యాక్టివ్ కేసులు ఉన్నాయి.
