పెద్దపల్లి జిల్లాలో నటి పాయల్
తొలి సినిమా ‘RX 100’తో నటి పాయల్ రాజ్‌పుత్ హాట్‌గా నటించిన విష‌యం మ‌న‌కు తెలిసిందే. ప్రస్తుతం ఈ అమ్మడు సినిమాల‌తో పాటు సైడ్ బిజినెస్ లోను జోరు చూపిస్తోంది. తెలంగాణలోని వివిధ జిల్లాలో షాపింగ్ మాల్స్ ఓపెనింగ్స్ తో బిజీ బిజీగా ఉంటోంది. ఈ మ‌ధ్య వ‌రంగ‌ల్ నగరంలోని హన్మకొండ చౌరస్తాలో ఏర్పాటు చేసిన ఓ ఫ్యాషన్స్ షోరూంను పాయల్ ప్రారంభించిన విష‌యం తెలిసిందే. కాగా ఇవాళ పెద్దపల్లి జిల్లాలో మరో షాపింగ్ మాల్ ను ప్రారంభించింది.
పాయల్ రాజ్‌పుత్‌ను చూడ‌టానికి పెద్ద‌పెల్లి జ‌నం పెద్ద ఎత్తున తరలివచ్చారు. ఈ సందర్భంగా ఆమె మాట్లాడుతూ.. మీ ప్రేమ, ఆదరణ తనకు ఎంతో ఆనందాన్ని ఇచ్చింద‌ని పాయల్ తెలిపింది. ప్రస్తుతం ఈ అమ్మడు ఆది సాయికుమార్ హీరోగా వస్తున్న ‘కిరాతక’ లో నటిస్తోంది.