విజ‌య‌వాడ‌లోని ఓ గృహోప‌క‌ర‌ణాల గోదాములో భారీ అగ్నిప్ర‌మాదం
విజ‌యవాడ (CLiC2NEWS): న‌గ‌రంలోని భ‌వానీపురంలోని గృహోప‌క‌ర‌ణాల‌కు సంబంధించిన గోదాములో భారీ అగ్నిప్ర‌మాదం సంభ‌వించింది. ఈరోజు (ఆదివారం) సాయంత్రం గోదాములో మంట‌లు చెల‌రేగడంతో స్థానికులు అగ్నిమాప‌క సిబ్బందికి స‌మాచారం అందించారు. అగ్నిమాప‌క సిబ్బంది నాలుగు ఫైర్ ఇంజ‌న్ల స‌హాయంతో మంట‌ల‌ను అదుపులోకి తెచ్చేందుకు ప్ర‌య‌త్నంచేస్తున్నారు. సెల‌వుదినం కావ‌డంతో గోదాములో కార్మికులు ఎవ‌రూలేక‌పోవ‌డంతో ఎటువంటి ప్ర‌మాదం సంభ‌వించ‌లేదు. గోదాము లోప‌లికి వెళ్లేందుకు ఒక‌టే మార్గం ఉండటంతో ఫైర్ సిబ్బందికి లోప‌లికి వెళ్ల‌డానికి క‌ష్టంగా మారింది. ఈ గోదాము.. ఇళ్ల మ‌ధ్య‌నే ఉండటంతో స్థానికులు ఆందోళ‌న చెందుతున్నారు.