Gold: త‌గ్గిన బంగారం ధరలు
హైద‌రాబాద్‌ (CLiC2NEWS): ప‌సిడి ప్రియుల‌కు శుభవార్త. గత కొన్ని రోజులుగా బంగారం ధరల్లో ఒడిదుడుకులు కొనసాగుతూనే ఉన్నాయి. కరోనా సెకండ్ వేవ్ దేశంలో విజృంభిస్తుండడంతో.. గత కొన్ని రోజులుగా పుత్తడి ధరలు పెరుగుతూ వచ్చాయి. ఒకనొక దశలో ఆల్ టైం రికార్డ్ స్థాయిలో బంగారం ధరలు పెరుగుదలను నమోదుచేసుకున్నాయి. ఇక నిన్నటితో పోల్చుకుంటే.. శనివారం ఉదయం బంగారం ధరలు నెల వైపు చూస్తున్నాయి. ఈ మ‌ధ్య‌కాలంలో పెరిగిన బంగారం ధర ఇవాళ భారీగా తగ్గింది. అంతర్జాతీయ మార్కెట్‌లో బంగారం ధరలు కిందికి కదలడంతో బులియన్ మార్కెట్‌లోనూ దాని ప్రభావం స్పష్టంగా కనిపించింది. దీని ప్ర‌భావంతో హైదరాబాద్‌లో 10 గ్రాముల 24 క్యారెట్ల బంగారం ధర రూ. 330 తగ్గి రూ. 48,870 కు చేరింది. అలాగే 10 గ్రాముల 22 క్యారెట్ల బంగారం ధర రూ. 300 తగ్గి రూ. 44,800 కు చేరింది. అలాగే వెండి ధరలు మాత్రం భారీగా పెరిగింది. కిలో వెండి ధర రూ.400 పెరిగి రూ. 74,300 వద్ద కొనసాగుతోంది.