నాటుబాంబు, ల‌క్ష్మీబాంబు కాదు.. ఆట‌మ్‌బాంబ్ పేలబోతోంది: మంత్రి పొంగులేటి
వ‌రంగ‌ల్ (CLiC2NEWS): జిల్లాలో ప‌లు అభివృద్ధి కార్య‌క్ర‌మాల‌కు మంత్రి పొంగులేటి శ్రీ‌నివాస్ శంకుస్థాప‌న‌లు చేశారు. జిల్లాలోని వ‌ర్ద‌న్న‌పేట‌లో మంత్రి మాట్లాడుతూ.. అభివృద్ధి , సంక్షేమం రెండు క‌ళ్లులా ప్ర‌భుత్వం ప‌నిచేస్తుంద‌ని, రాష్ట్రానికి రూ.7ల‌క్ష‌ల కోట్లు అప్పులున్నా.. సంక్షేమ ప‌థ‌కాల‌ను నిర్విరామంగా అమ‌లు చేస్తున్నామ‌ని తెలిపారు. ఈ సంద‌ర్బంగా త్వ‌ర‌లో ఆటంబాంబు పేలుతోందంటూ ఆస‌క్తిక‌ర వ్యాఖ్య‌లు చేశారు. త‌ప్పు చేసిన వాళ్ల‌కు నాటుబాంబుకాదు.. ల‌క్ష్మీబాంబు కాదు.. ఏకంగా ఆటమ్‌బాంబు పేలబోతుందన్నారు. ఎంత పెద్ద‌వాళ్ల‌కైనా చ‌ట్టం చుట్టం కాద‌ని.. జ‌నం సొమ్మును అక్ర‌మంగా విదేశాల‌కు పంపార‌న్నారు. రూ.55 కోట్లు ఎక్క‌డి నుండి ఎక్క‌డికి వెళ్లాయో తేలుస్తామ‌న్నారు. త‌ప్పు చేయ‌ని వారు ఉలిక్కిప‌డాల్సిన అవ‌సరంలేద‌ని కూడా అన్నారు.