RRR: ఎన్టీఆర్ నయా లుక్..
మే 20న యంగ్ టైగర్ ఎన్టీఆర్ పుట్టినరోజు. ఈ సంద‌ర్భంగా తారక్ అభిమానులు ఎంతో ఆసక్తిగా ఎదురుచూస్తున్న ‘ఆర్ఆర్ఆర్’లోని ఎన్టీఆర్ కొత్త లుక్ విడుదలైపోయింది. కొమురం భీమ్ అవతార్ను రిలీజ్ చేసింది చిత్రబృందం. ఇందులో బల్లెం చేతిలో పట్టుకుని సీరియస్ లుక్లో కనిపించారు తారక్. ఇది అభిమానులను కట్టిపడేసేలా ఉంది. చెప్పినట్టుగానే తాజాగా భీం ఫస్ట్ లుక్ తో ఎన్టీఆర్ కు పుట్టినరోజు శుభాకాంక్షలు తెలుపుతూ ఆయన అభిమానులకు ట్రీట్ ఇచ్చారు మేకర్స్. ఈ ఫస్ట్ లుక్ లో ఎన్టీఆర్ రౌద్రంగా కన్పిస్తున్నారు. ఇక సోషల్ మీడియాలో ఎన్టీఆర్ కు బర్త్ డే శుభాకాంక్షలు వెల్లువెత్తుతున్నాయి.
My Bheem has a heart of gold.
But when he rebels, he stands strong and bold! 🌊Here’s @tarak9999 as the INTENSE #KomaramBheem from #RRRMovie.@ssrajamouli @AlwaysRamCharan @ajaydevgn @aliaa08 @oliviamorris891 @RRRMovie @DVVMovies pic.twitter.com/8o6vUi9oqm
— rajamouli ss (@ssrajamouli) May 20, 2021
“మా భీమ్‌ది బంగారులాంటి మనస్సు. కానీ, ఆయనే కనుక తిరుగుబాటు చేస్తే బలం, ధైర్యంగా నిలుస్తాడు’
-రాజమౌళి ట్వీట్‌.
దర్శకధీరుడు రాజమౌళి ప్రతిష్టాత్మకంగా తెరకెక్కిస్తోన్న చిత్రం ‘ఆర్ఆర్ఆర్’. ఇందులో అల్లూరి సీతారామరాజుగా రామ్చరణ్, కొమురం భీమ్గా ఎన్టీఆర్ నటిస్తున్నారు. వీరితో పాటు అలియా భట్, అజయ్ దేవ్‌గన్, ఒలివియా మోరిస్, సముతిరకని, శ్రియ శరన్ తదితరులు నటిస్తున్నారు.
కరోనా మహమ్మారి సెకండ్ వేవ్ కారణంగా ఏప్రిల్‌లో ‘ఆర్ఆర్ఆర్’ షూటింగ్ ఆగిపోయింది. ఈ చిత్రం తెలుగు, తమిళం, మలయాళం, కన్నడ, హిందీ భాషల్లో ఈ ఏడాది అక్టోబర్ 13 న థియేటర్లలో విడుదల కానుంది. ఎంఎం కీరవాణి సంగీతం అందిస్తున్నారు. ఈ చిత్రాన్ని డివివి ఎంటర్టైన్మెంట్స్ నిర్మిస్తోంది
