పుడమి పై వెలిసిన దేవుళ్ళు .
పుడమి పై వెలిసిన దేవుళ్ళు .
బ్రతుకు గొంతు తడారి వచ్చిన రోగుల గొంతులో
అమృతం పోసి పునర్జన్మ ప్రసాదించిన దేవుళ్ళు
వైద్యులు..!
బాల భానుడి నులివెచ్చని సూర్యకిరణాల వలె
రోగులపై వైద్యుల చేతి స్పర్శతో…అన్ని మొండి
రోగాలు పొగ మంచులా కరిగి పోవాల్సిందే…
పుడమి పై వెలిసిన దేవుళ్ళు వైద్యులు..!
బంధు వర్గం దూరమై ఏకాకి అయిన క్షణములో
హితుడు స్నేహితుడు అన్ని తానై ఆత్మవిశ్వాసపు
లేపనం పూసి పునర్జన్మ ప్రసాదించిన దేవుళ్ళు వైద్యులు..!
మన ఆరోగ్య పరిరక్షణ కోసం అహర్నిశలు శ్రమిస్తున్న
వైద్యులందరికీ హృదయ పూర్వక వందనములు
తెలియ చేసుకుంటూ..
-శ్రీమతి మంజుల పత్తిపాటి
