జాతీయ కార్టూన్ పోటీల్లో విజేత.. మన కార్టూనిస్ట్ భూపతి
హైద‌రాబాద్ (CLiC2NEWS): ఇటీవల జాతీయ స్థాయిలో స్థాయిలో.. ప్రపంచ పర్యావరణ దినోత్సవం 2022 సందర్భంగా జాతీయ స్థాయి కార్టూన్ పోటీ నిర్వహించారు. ఈ పోటీలను ప్రముఖ జాతీయ కార్టూన్ మాస పత్రిక CARTOON WATCH మరియు ఛత్తీస్‌గ‌ఢ్ పర్యావరణ పరిరక్షణ సంస్థ సంయుక్తంగా..”ONLY ONE EARTH” అనే అంశం పై కార్టూన్ పోటీ నిర్వహించారు.
ఈ పోటీల‌లో దేశ విదేశాల నుండి కార్టూనిస్టులు పోటీ పడి వందల కార్టూన్ పంపించారు. తాజాగా ఈ పోటీకు సంబంధించిన విజేత‌ల‌ను శ‌నివారం నిర్వాహ‌కులు ప్ర‌క‌టించారు. ఈ విజేత‌ల్లో మన క్లిక్ 2 న్యూస్ కార్టూనిస్ట్ తునికి భూపతి ప్రత్యేక బహుమతి అందుకున్నారు. ఇందుకు గాను పోటీ నిర్వాహ‌కులు విజేత‌ల‌కు సర్టిఫికెట్ తో పాటు నగదు బహుమతి అందించి అభినందించారు. ఈ సందర్భంగా ప‌లువురు భూప‌తిని అభినందించారు.
