ఎపికి మళ్ళీ భారీ వర్ష సూచన

అమ‌రావతి: ఆంధ్రప్రదేశ్ రాష్ట్రంలో భారీ వర్షాలు కురిసే అవకాశం ఉన్నట్టు వాతావరణశాఖ సోమవారం హెచ్చరించింది. కొమరిన్‌ ప్రాంతంలో ఉపరితల ఆవర్తనం నైరుతి బంగాళాఖాతం వరకు విస్తరించింది. ఈ ఉపరితల ఆవర్తనం కారణంగా ఏపీలోని పలు చోట్ల వర్షాలు కురుస్తాయని వాతావరణ శాఖ హెచ్చరించింది. సోమవారం దక్షిణ కోస్తాతీరంలోని పలు ప్రాంతాల్లో భారీ వర్షాలు కురుస్తాయని తెలిపింది. రెండురోజులుగా రాష్ట్రంలోని పలు ప్రాంతాల్లో వర్షాలు కురుస్తున్నాయి. మరో రెండు రోజులపాటు రాష్ట్రంలోని అనేక ప్రాంతాల్లో వర్షాలు కురుస్తాయని, జాగ్రత్తగా ఉండాలని వాతావరణశాఖ తెలిపింది.