గుంటూరులో ఘోర రోడ్డు ప్రమాదం

గుంటూరు: ఆంధ్ర‌ప్ర‌దేశ్‌లోని గుంటూరు జిల్లాలో బుధవారం ఘోర రోడ్డు ప్రమాదం చోటు చేసుకుంది. రెండు కార్లు ఢీ కొన్న ఘటనలో ఇద్దరు మృతి చెందగా, మరో ఐదుగురికి గాయాలయ్యాయి. గుంటూరులోని శావల్యాపురం మండలంలో ఈ ప్రమాదం చోటు చేసుకుంది. కనమర్లపూడి వద్ద రెండు కార్లు ఒకదానికి ఒకటి ఢీ కొట్టాయి. నంద్యాల నుంచి విజయవాడ వెళ్తున్న కారు, ఏలూరు నుంచి వినుకొండ వైపు వస్తున్న మరో కారు ఎదురెదురుగా వేగంగా వచ్చి ఢీకొనడంతో ఈ ప్రమాదం జరిగింది. ఈ ఘటనలో ఏలూరుకి చెందిన ఉదయ్, నంద్యాలకు చెందిన వెంకట సుబ్బయ్య అక్కడికక్కడే మృతి చెందారు.‌ మరో ఐదుగురికి గాయాలయ్యాయి. గాయ‌ప‌డిన వారిని ఆస్పత్రికి తరలించారు. పోలీసులు కేసు న‌మోదు చేసుకొని ద‌ర్యాప్తు చేస్తున్నారు. విచార‌ణ అనంత‌రం ఘ‌ట‌న‌కు సంబంధించిన పూర్తి వివ‌రాలు వెల్ల‌డిస్తామ‌ని తెలిపారు.