రైతు వేదిక‌ను ప్రారంభించిన సిఎం కెసిఆర్
జనగామ : వ‌్య‌వ‌సాయం సంక్షేమం కోసం ఇప్ప‌టికే అనేక ప‌థ‌కాల‌ను అమలు చేస్తున్న కెసిఆర్ స‌ర్కార్ ప్ర‌తిష్టాత్మ‌కంగా తీసుకొన్న మ‌రో కార్య‌క్ర‌మం రైతు వేదిక‌లు జనగామ జిల్లా కొడకండ్లలో ముఖ్యమంత్రి కెసిఆర్ రైతు వేదిక‌ను శనివారం ప్రారంభించారు. శనివారం రైతు వేదిక ప్రారంభోత్స‌వ కార్య‌క్ర‌మంలో ప్ర‌భుత్వ ప్ర‌ధాన కార్య‌ద‌ర్శి సోమేశ్ కుమార్‌, రైతు స‌మ‌న్వ‌య స‌మితి అధ్య‌క్షుడు ప‌ల్లా రాజేశ్వ‌ర్ రెడ్డి, మంత్రులు నిరంజ‌న్ రెడ్డి, ఎర్ర‌బెల్లి ద‌యాక‌ర్ రావు, స‌త్య‌వ‌తి రాథోడ్‌, ఉమ్మ‌డి వ‌రంగ‌ల్ జిల్లాకు చెందిన ఎంపీలు, ఎమ్మెల్యేలు, ఎమ్మెల్సీలు పాల్గొన్నారు. కొడ‌కండ్ల‌కు చేరుకున్న ముఖ్యమంత్రి కేసీఆర్‌కు ప్ర‌జాప్ర‌తినిధులు ఘ‌న స్వాగ‌తం ప‌లికారు. అర్చ‌కులు పూర్ణ‌కుంభంతో స్వాగ‌తం ప‌లికి ఆశీర్వ‌దించారు. అర్చ‌కుల మంత్రోచ్ఛ‌ర‌ణాల మ‌ధ్య రైతు వేదిక శిలాఫ‌ల‌కాన్ని సీఎం ఆవిష్క‌రించారు.