అహ్మద్‌ పటేల్‌ మృతిపట్ల సీఎం కేసీఆర్‌ దిగ్భ్రాంతి
హైదరాబాద్‌: కాంగ్రెస్‌ పార్టీ సీనియర్‌ నేత అహ్మద్‌ పటేల్‌ మృతి పట్ల సీఎం కేసీఆర్‌ తీవ్ర దిగ్భ్రాంతి వ్యక్తంచేశారు. అహ్మద్‌ పటేల్‌తో తనకున్న అనుబంధాన్ని గుర్తుచేసుకున్నారు. ఆయన కుటుంబ సభ్యులకు ప్రగాఢ సానుభూతి తెలిపారు.
కాంగ్రెస్‌ పార్టీ ట్రబుల్‌ షూటర్‌ అహ్మద్‌ పటేల్‌ ఇవాళ తెల్లవారుజామున కన్నుమూశారు. గత నెల 1న ఆయన కరోనా బారిన పడ్డారు. దీంతో ఆయన గురుగ్రామ్‌లోని మేదాంత దవాఖానలో చికిత్స పొందుతున్నారు. పరిస్థితి విషమించడంలో ఈనెల 15 నుంచి ఐసీయూలో చికిత్స అందిస్తున్నారు. కాగా, ఆయన అవయవాలు చికిత్సకు సహకరించక పోవడంతో ఇవాళ ఉదయం 3.30 గంటలకు మరణించారు.
ఇటీవల కాంగ్రెస్‌ పార్టీ సీనియర్‌ నేత తరుణ్‌ గోగోరు మరణాన్ని జీర్ణించుకోక ముందు మరో సీనియర్‌ నేత, రాజ్యసభ సభ్యులు అహ్మద్‌ పటేల్‌ (71)మృత్యువాత పడ్డారు. గత నెల 1న ఆయనకు కరోనా సోకగా… మేదాంత ఆసుపత్రిలో చికిత్స పొందుతూ వున్నారు. గత కొద్ది రోజులుగా ఆయన శరీరంలో పలు అవయవాలు సవ్యంగా పనిచేయడకపోవడంతో ఆరోగ్యం క్షీణించింది. చికిత్స పొందుతూ బుధవారం తెల్లవారు జామున కన్నుమూశారు.