టీఆరెస్ లో చేరిన కాంగ్రెస్ జడ్పీటీసీ
ఎల్లారెడ్డి : అధికార తెలంగాణ రాష్ట్ర స‌మితి ఎమ్మెల్సీ ఎన్న‌క‌ల నేప‌థ్యంలో జోరు పెంచిన‌ట్లుంది. తాజాగా ఆదివారం కామారెడ్డి జిల్లా ఎల్లారెడ్డి నియోజక వర్గ కాంగ్రెస్ పార్టీకి చెందిన ఎల్లారెడ్డి జడ్పీటీసీ ఉషాగౌడ్ గులాబీ పార్టీలో చేరారు. ఈ సందర్భంగా ఆయన మాట్లాడుతూ.. తెలంగాణ ప్రభుత్వంలో ముఖ్యమంత్రి కెసిఆర్ చేపట్టిన సంక్షేమ పథకాలు, అభివృద్ధి కార్యక్రమాలకు ఆకర్షితులై తాను తెలంగాణ రాష్ట్ర స‌మితి పార్టీలో చేరానన్నారు. స్థానిక ఎమ్మెల్యే జాజల సురేందర్ నియోజక వర్గ అభివృద్ధికి చేస్తున్న కృషి , సంక్షేమ పథకాల అమలు చేస్తున్న పని తీరునచ్చి ఎమ్మెల్యే సురేందర్ నాయకత్వంలో రోడ్డు, భవనాల శాఖ , ఉమ్మడి జిల్లా ఇంచార్జి మంత్రి వేముల ప్రశాంత్ రెడ్డి సమక్షంలో తెరాస పార్టీలో చేరానన్నారు. మంత్రి పార్టీ కండువా కప్పి సాదరంగా పార్టీలోకి ఆహ్వానించారు.అనంతరం మంత్రి వేముల ప్రశాంత్ రెడ్డి మాట్లాడుతూ ముఖ్యమంత్రి కెసిఆర్ చేపట్టిన సంక్షేమ పథకాలు, అభివృద్ధి కార్యక్రమాలకు ఆకర్షితులై ఎల్లారెడ్డి మండల జడ్పీటీసీ ఉషాగౌడ్ కాంగ్రెస్ పార్టీ వీడి తెరాస పార్టీలో చేరారని అన్నారు. అంతేకాకుండా స్థానిక ఎమ్మెల్యే సురేందర్ ఆధ్వర్యంలో ఎల్లారెడ్డి మండల అభివృద్ధికి తనవంతు కృషి చేస్తానని హామీ ఇచ్చారు. ఈ కార్యక్రమంలో ఎల్లారెడ్డి నాయకులు సత్యం రావు , శ్రీనివాస్ నాయక్ , శ్రీనివాస్ గౌడ్, నాగం సాయిబాబా, నాగం గోపి, సందీప్ గౌడ్ తదితరులు పాల్గొన్నారు.