టీఆర్ఎస్‌లో చేరిన మ‌ద్దుల నాగేశ్వ‌ర్ రెడ్డి

సిద్దిపేట‌: దుబ్బాక‌లో టిఆర్ ఎస్ కారు జోరు పెంచింది. అక్క‌డ ఇప్పుడు చేరిక‌ల ప‌ర్వం న‌డుస్తోంది. ఇప్ప‌టికే కాంగ్రెస్ పార్టీని వీడి ప‌లువురు సీనియ‌ర్లు టీఆర్ఎస్‌లో చేరిన విష‌యం మ‌న‌కు తెలిసిందే. తాజాగా ఆ పార్టీ సీనియ‌ర్ నాయ‌కుడు మ‌ద్దుల నాగేశ్వ‌ర్ రెడ్డి కూడా గులాబీ గూటికి చేరారు. ‌తెలంగాణ భ‌వ‌న్‌లో నాగేశ్వ‌ర్ రెడ్డికి హ‌రీష్‌రావు గులాబీ కండువా క‌ప్పి పార్టీలోకి సాదరంగా ఆహ్వానించారు. ఆయ‌న‌తోపాటు భారీ సంఖ్య‌లో ఆయ‌న అనుచ‌ర‌వ‌ర్గం కూడా గులాబీ తీర్థం పుచ్చుకున్నారు. ఈ సంద‌ర్భంగా మంత్రి హ‌రీష్ రావు మాట్లాడుతూ.. దుబ్బాక‌లో హుజుర్‌న‌గ‌ర్‌, నిజామాబాద్ ఫ‌లితాలే పున‌రావృతం అవుతాయ‌న్నారు. మ‌ద్దుల నాగేశ్వ‌ర్ రెడ్డి చేరిక‌తో దుబ్బాక‌లో కాంగ్రెస్ ఖాళీ అయింద‌న్నారు. దుబ్బాక నియోజ‌క‌వ‌ర్గానికి సాగు, తాగు నీరు ఇచ్చింది టీఆర్ఎస్ పార్టీ అని గుర్తు చేశారు.