తెలంగాణలో కొత్తగా 1,811 కరోనా కేసులు

హైదరాబాద్: రాష్ట్రంలో కరోనా విజృంభణ కొనసాగుతోంది. రాష్ట్రంలో కొత్తగా 1,811 కరోనా కేసులు నమోదు అయ్యాయి. గడిచిన 24 గంటల్లో కరోనాతో 9 మంది మృతి చెందారు. ఇంతవరకు తెలంగాణ వ్యాప్తంగా కరోనా పాజిటివ్ కేసుల సంఖ్య 2,10,346కి చేరింది. అలాగే కరోనాతో ఇప్పటి వరకు 1,217 మరణాలు సంభవించాయి. ఈ మేర‌కు వైద్య ఆరోగ్య‌శాఖ శ‌నివారం ఉద‌యం బులిటెన్ విడుద‌ల చేసింది. క‌రోనా బారి నిన్న ఒక్క‌రోజే 2,072 మంది కోలుకున్నారు. దీంతో ఇప్ప‌టి వ‌ర‌కు కోలుకున్న బాధితుల సంఖ్య 1,83,025కి చేరింది. రాష్ట్రంలో ప్ర‌స్తుతం 26,104 యాక్టివ్ కేసులు ఉన్నాయ‌ని, వారిలో 21,551 మంది హోం ఐసోలేష‌న్‌లో చికిత్స పొందుతున్నార‌ని వైద్య ఆరోగ్య‌శాఖ తెలిపింది.