తెలంగాణలో కొత్తగా 149 కరోనా కేసులు
హైద‌రాబాద్‌: తెలంగాణ రాష్ట్రంలో కొత్తగా 149 కరోనా కేసులు నమోదయ్యాయి. గ‌త 24 గంట‌లో క‌రోనాతో ఒక‌రు మృతిచెందారు. ఈ మేర‌కు మంగ‌ళ‌వారం ఉద‌యం రాష్ట్ర వైద్య ఆరోగ్య‌శాఖ బులిటెన్ విడుద‌ల చేసింది. కాగా తాజాగా 186 మంది కరోనా బాధితులు పూర్తిస్థాయిలో కోలుకున్నారు. రాష్ట్రంలో ఇప్పటి వరకు 2,95,831 కరోనా కేసులు నమోదయ్యాయి. 2,92,415 మంది కోలుకొని డిశ్చార్జ్ అయ్యారు. 1,804 కేసులు యాక్టివ్ గా ఉన్నాయి. ఇప్పటి వరకు కరోనా సోకి రాష్ట్రంలో 1,612 మంది మ‌ర‌ణించార‌ని అధికారులు పేర్కొన్నారు.