దుబ్బాక కాంగ్రెస్ అభ్యర్థిగా నర్సారెడ్డి?
సిద్దిపేట: దుబ్బాక కాంగ్రెస్ అభ్యర్థిగా నర్సారెడ్డి పేరు పార్టీ అధికారికంగా సోమవారం ప్రకటించే అవకాశాలు కనిపిస్తున్నాయి. ప్రస్తుతం నర్సారెడ్డి సిద్దిపేట డీసీసీ అధ్యక్షుడిగా పని చేస్తున్నారు. కాగా ఈ సారి ఎలాగైనా దుబ్బాక‌ను కైవ‌సం చేసుకోవాల‌ని కాంగ్రెస్ గ‌ట్టి ప్ర‌య‌త్నం చేస్తోంది. మ‌రో వైపు బీజేపీ నుంచి రఘునందన్ రావు బరిలో ఉన్నారు. ఇక పోతే టీఆర్ఎస్ అభ్యర్థిపై క్లారిటీ రావాల్సి ఉంది. త్వరలో అభ్యర్థిని ఖరారు చేస్తారని టీఆర్ఎస్ వర్గాలు చెబుతున్నాయి. కాగా కాంగ్రెస్ త‌ర‌ఫున నర్సారెడ్డి పేరు దాదాపుగా ఖరారు అయినట్లు పార్టీవ‌ర్గాలు అనుకుంటున్నాయి. అధికార టీఆర్ఎస్ ఎమ్మెల్యే రామలింగారెడ్డి మృతితో దుబ్బాక నియోజకవర్గంలో ఎన్నికలు జరగనున్నాయ‌న్న సంగ‌తి తెలిసిందే.