TS: నిబంధ‌న‌ల‌కు విరుద్ధంగా పుట్టిన రోజు వేడుక.. అడ్డుకున్న పోలీసులు
రంగారెడ్డి జిల్లా(CLiC2NEWS): తెలంగాణ రాష్ట్రంలో క‌రోనా మ‌హ‌మ్మారి క‌ట్ట‌డికోసం రాష్ట్రప్ర‌భుత్వ లాక్‌డౌన్ స‌హా ప‌లు క‌ఠిన ఆంక్ష‌ల‌ను విధించిన సంగ‌తి తెలిసిందే. కాగా నిబంధ‌న‌లు ఉల్లంఘించిన వారిపై పోలీసులు క‌ఠిన చ‌ర్య‌లు తీసుకుంటున్నారు. అయితే తాజాగా రంగారెడ్డి జిల్లా క‌డ్తాల్‌లో ఓ ఫామ్ హౌస్‌లో నిబంధ‌న‌ల‌కు విరుద్ధంగా పుట్టిన రోజు వేడుక నిర్వ‌హించారు. శ‌నివారం అర్థ‌రాత్రి యువ‌త మ‌ద్యం సేవించి చిందులేశారు. దాదాపు 70 మందికి పైగా యువ‌తీ యువ‌కులు ఈ వేడ‌కలో పాల్గొన్నారు. విష‌యం తెలుసుకున్న పోలీసులు రంగంలోకి దిగి దాదాపు వేడుక‌ను అడ్డుకుని నిర్వాహ‌కుల‌ను అదుపులోకి తీసుకున్నారు. ఈ ఘ‌ట‌న‌పై కేసు న‌మోదు చేసి ద‌ర్యాప్తు చేస్తున్నారు.
