చిరంజీవి ఆచార్యలో మహేష్ బాబు వాయిస్ ఓవర్?
చిరంజీవి ఆచార్య సినిమా కోసం మహేష్‌బాబు వాయిస్ ఇస్తున్నారు. ఆచార్య సినిమాకు కొరటాల శివ దర్శకత్వం వహిస్తున్నాడు. తనతో రెండు హిట్ సినిమాలు చేసిన మహేష్‌ను చిరంజీవి సినిమాకు వాయిస్ ఇచ్చేందుకు కొరటాల ఒప్పించాడు. వాస్తవానికి ఈ సినిమాలో గెస్ట్‌ పాత్రలో మహేష్ నటించాల్సి ఉన్నా కొన్ని కారణాల వల్ల అది సాధ్యం కాలేదు.
మెగాస్టార్ చిరంజీవి, కొరటాల శివ కాంబినేషన్ లో క్రేజీ మూవీగా వస్తున్న సినిమా ఆచార్య. కొణిదెల ప్రొడక్షన్స్, మ్యాట్నీ మూవీస్ కలిసి నిర్మిస్తున్న ఈ సినిమాపై అంచనాలు భారీగా ఉన్నాయి. ఈ సినిమాలో రాం చరణ్ కూడా ఒక స్పెషల్ రోల్ లో నటిస్తున్నాడని తెలిసిందే. ఇక ఇప్పుడు మహేష్ ఆచార్య కోసం పనిచేస్తాడని తెలుస్తుంది. అది కూడా వాయిస్ ఓవర్ ఇచ్చేందుకు అని టాక్. కొరటాల శివ డైరక్షన్ లో మహేష్ రెండు సినిమాలు చేశాడు. శ్రీమంతుడు, భరత్ అనే నేను రెండు సినిమాలు మహేష్ మంచి హిట్ సినిమాలుగా నిలిచాయి. అందుకే కొరటాల శివ మీద ఉన్న అభిమానం మెగాస్టార్ సినిమాకు సై అనేశాడట.
చిరు సినిమాకు వాయిస్ ఓవర్ చెప్పడం అంటే లక్కీ అన్నట్టే. అందుకే మహేష్ కూడా సరే అని గ్రీన్ సిగ్నల్ ఇచ్చాడట. మహేష్ ఆల్రెడీ జల్సా సినిమా కోసం వాయిస్ ఓవర్ ఇచ్చాడు. మళ్ళీ ఈ సినిమాకు వాయిస్ ఓవర్ ఇస్తున్నాడని తెలుస్తుంది. తప్పకుండా మహేష్ వాయిస్ ఓవర్ కూడా మెగా మూవీకి స్పెషల్ ఎట్రాక్షన వుతుందని చెప్పొచ్చు. కానీ ఈ విష‌యాన్ని అధికారికంగా ప్ర‌క‌టించాల్సి ఉంది.