రెండు విమానాలు ఢీ ఐదుగురి మృతి
పారిస్‌ : ఫ్రాన్స్‌లో రెండు విమానాలు ఢీ కొన్న దుర్ఘ‌ట‌న‌లో ఐదుగురు మృతిచెందారు. పర్యాటక విమానం, మైక్రోలైట్‌ విమానం ఢీకొన్న ప్రమాదంలో ఐదుగురు మరణించినట్లు ఫ్రాన్స్‌లోని స్థానిక ప్రభుత్వం తెలిపింది. ఇద్దరు ప్రయాణికులతో వెళుతున్న మైక్రోలైట్‌ విమానం, ముగ్గురు పర్యాటకులతో వెళుతున్న డిఎ 40 విమానాన్ని ఢీ కొట్టిందని అన్నారు. ఈ ఘటన పశ్చిమ ఫ్రాన్స్‌లో జరిగిందని, ఈ ప్రమాదంలో రెండు విమానాల్లోని ప్రయాణికులంతా మరణించారని చెప్పారు. రెండు విమానాలు ఢీ కొన్న అనంతరం మైక్రోలైట్‌ విమానం ఒక ఇంటిపై పడగా, డిఎ 40 విమానం కొన్ని వందల కిలోమీటర్ల దూరం ప్రయాణించి కుప్పకూలిందని చెప్పారు. ప్రమాదం గురించి తెలుసుకున్న లియాన్‌ ఎమర్జెన్సీ విభాగం డిఎ 40 విమానాన్ని ట్రాక్‌ చేసి, ప్రమాదస్థలిని గుర్తించారని అన్నారు. ఈ ప్రమాదంపై విచారణకు ఆదేశించామని, విమానాల్లోని బ్లాక్‌బాక్స్‌ల కోసం గాలిస్తున్నామని అధికారులు వెల్లడించారు. ద‌ర్యాప్తు పూర్త‌వ్వ‌గానే పూర్తి వివ‌రాలు వెల్ల‌డిస్తామ‌ని తెలిపారు.