రేపు హైదరాబాద్‌లో ట్రాఫిక్‌ ఆంక్షలు
హైదరాబాద్‌: రేపు జ‌న‌వ‌రి 26 గణతంత్ర దినోత్సవం సంద‌ర్భం నాంపల్లి పబ్లిక్‌ గార్డెన్స్‌లో వేడుకలు జరుగనున్నాయి. ఈ నేపథ్యంలో పబ్లిక్‌ గార్డెన్స్‌ పరిసర ప్రాంతాల్లో పోలీసులు ట్రాఫిక్‌ ఆంక్షలు విధించారు. మొజంజాహి మార్కెట్‌ తాజ్‌ ఐల్యాండ్‌, చాపెల్‌ రోడ్డు టీ జంక్షన్‌, సైఫాబాద్‌ పాత పీఎస్‌, బషీర్‌బాగ్‌ జంక్షన్‌, ఇక్బాల్‌ మీనార్‌, ఏఆర్‌ పెట్రోల్‌ పంప్‌, న్యూ ఎమ్మెల్యే క్వార్టర్స్‌ వద్ద ట్రాఫిక్‌ను మళ్లిస్తారు. ఈ ఆంక్షలు 26 ఉదయం 9 నుంచి మధ్యాహ్నం 12 గంటల వరకు అమల్లో ఉంటాయని సీపీ అంజనీ కుమార్‌ వెల్లడించారు. ఈ మేర‌కు ట్రాఫిక్‌ అధికారులు, సిబ్బంది సూచించిన మార్గాల్లో ప్రయాణించి ప్రజలు సహకరించాలని సీపీ కోరారు.