శీతాకాలంలోఉసిరి చేసే మేలు తెలుసుకుందామా..
ఉసిరికాయ పేరు వింటేనే నోరూరుతుంది. శీతాకాలంలో ఉసిరికాయలు మనకు ఎక్కువగా లభిస్తాయని అందరికీ తెలిసిందే. ఈ సీజన్‌లో వచ్చే పలు అనారోగ్య సమస్యల నుంచి ఉసిరి మనల్ని రక్షిస్తుంది. ఉసిరికాయలను నిత్యం ఆహారంలో భాగం చేసుకోవడం వల్ల చాలా లాభాలు ఉన్నాయి. వాటగురించి-
- ఉసిరికాయల్లో విటమిన్‌ సి మనకు సమృద్ధిగా లభిస్తుంది. నారింజ, నిమ్మ, దానిమ్మ కాయల కన్నా ఎక్కువగా విటమిన్‌ సి మనకు ఉసిరికాయల్లోనే దొరుకుతుంది. అందుల్ల ఈ సీజన్‌లో ఉసిరికాయలను తీసుకుంటే విటమిన్‌ సి లోపం రాకుండా చూసుకోవచ్చు.
- ఉసిరికాయల్లో ఉండే విటమిన్‌ సి మన శరీర రోగ నిరోధక శక్తిని పెంచుతుంది. దగ్గు, జలుబు, ఫ్లూ జ్వరం రాకుండా చూస్తుంది.
- శీతాకాలంలో సహజంగానే జీర్ణ ప్రక్రియ మందగిస్తుంది. అలాంటప్పుడు నిత్యం ఉసిరికాయల రసాన్ని తాగితే తిన్న ఆహారం సరిగ్గా జీర్ణమవుతుంది.
- డయాబెటిస్‌ ఉన్నవారు ఉసిరికాయలను తినడం ద్వారా కావల్సినంత క్రోమియం లభిస్తుంది. దీంతో ఇన్సులిన్‌ చురుగ్గా పనిచేస్తుంది. షుగర్‌ లెవల్స్‌ తగ్గుతాయి.
- శీతాకాలంలో వచ్చే చర్మ సమస్యలు తగ్గాలంటే ఉసిరికాయ రసాన్ని నిత్యం వాడాలి. దీంతో వెంట్రుకల సమస్యలు కూడా తగ్గుతాయి