10 నుండి తెరుచుకోనున్న సాలార్‌జంగ్ మ్యూజియం
హైదరాబాద్: తాజాగా స‌ర్కార్ విడుద‌ల చేసిన క‌రోనా అన్‌లాక్ లో మార్గ‌ద‌ర్శ‌కాల‌కు అనుగుణంగా టూరిజం కేంద్రాలు దేశ వ్యాప్తగా ప్రారంభమయ్యాయి. తెలంగాణ‌లో ఇప్పటికే గోల్కొండ, జూ పార్క్ వంటి సందర్శన ప్రదేశాలు తెరుచకున్నాయి. తాజాగా ప‌ర్యాట‌కుల సంద‌ర్శ‌నార్థం హైదరాబాద్ న‌గ‌రంలోని ప్ర‌ముఖ ప‌ర్యాట‌క ప్ర‌దేశం సాలార్‌జంగ్ మ్యూజియం ఈ నెల 10వ తేదీన తిరిగి తెరుచుకోనుంది. కొవిడ్ వైర‌స్ కార‌ణంగా విధించిన లాక్‌డౌన్ స‌మ‌యం నుండి సాలార్‌జంగ్ మ్యూజియం మూసివేయ‌బ‌డింది. సంద‌ర్శ‌కుల‌కు ప్ర‌వేశ ద్వారంలో థ‌ర్మ‌ల్ స్ర్కీనింగ్‌ను నిర్వ‌హించ‌నున్న‌ట్లు నిర్వాహాకులు మ్యూజియం అధికారులు తెలిపారు. ప‌ర్యాట‌కులు ఫేస్ క‌వ‌ర్, మాస్కుల‌ను త‌ప్ప‌నిస‌రిగా ధ‌రించాలని సూచించారు. సందర్శన స‌మ‌యంలో సోషల్ డిస్టెన్స్ పాటించాల‌న్నారు. కాగా వృద్ధులు, గ‌ర్భిణీలు, చిన్న‌పిల్ల‌లు, శిశువుల‌కు అనుమ‌తి లేదని తెలిపారు.