బ‌స్సులో జ‌న్మించిన చిన్నారి.. జీవిత కాలంపాటు ఉచిత ప్ర‌యాణం
హైద‌రాబాద్ (CLiC2NEWS): గ‌ద్వాల డిపోకి చెందిన అర్టిసి బ‌స్సులో ఓ చిన్నారి పుట్టింది. ఆ చిన్నారికి ఆర్‌టిసి ఎండి స‌జ్జ‌నార్ పుట్టిన రోజు కానుక‌గా జీవిత కాలం ఉచిత ప్ర‌యాణ స‌దుపాయం క‌ల్పిస్తున్న‌ట్లు తెలిపారు. బ‌స్సు ప్ర‌యాణిస్తున్న స‌మ‌యంలో గ‌ర్భిణికి పురుటినొప్పులు రావ‌డంతో కండ‌క్ట‌ర్ భార‌తి, అదే బ‌స్సులో ప్ర‌యాణిస్తున్న అలివేలు మంగ‌మ్మ కాన్పు చేశారు. వారిని అర్టిసి ఎండి స‌జ్జ‌నార్ స‌త్క‌రించారు. న‌గ‌దు బ‌హుమ‌తులు అంద‌జేశారు. అర్టిసి బ‌స్సులు, బ‌స్ స్టేష‌న్‌ల‌లో పుట్టిన పిల్ల‌ల‌కు జీవిత‌కాలం ఉచిత బ‌స్‌పాస్ ఇవ్వాల‌ని గ‌తంలో అర్టిసి యాజ‌మాన్యం తీసుకున్న నిర్ణ‌యం మేర‌కు.. చిన్నారికి ఉచిత బ‌స్‌పాస్, ప్ర‌స‌వం చేసిన న‌ర్స్‌కు డీల‌క్స్‌, సూప‌ర్ ల‌గ్జ‌రీ స‌ర్వీసుల్లో ఏడాదిపాటు ఉచిత ప్ర‌యాణ స‌దుపాయం క‌ల్పిస్తున్న‌ట్లు స‌జ్జ‌నార్ ఎక్స్‌లో వెల్ల‌డించారు.