న‌గ‌రంలోని చిత్ర‌పురి కాల‌నీలో ఓ మ‌హిళ‌పై వీధికుక్క‌ల దాడి..

హైద‌రాబాద్ (CLiC2NEWS): హైద‌రాబాద్ న‌గ‌రంలోని రాయ‌దుర్గం పోలీస్ స్టేష‌న్ పరిధిలోని చిత్ర‌పురి కాల‌నీలో ఓ మ‌హిళ‌పై వీధి కుక్క‌ల గుంపు దాడి చేశాయి. కాల‌నీలో న‌డుచుకుంటూ వెళ్తున్న మ‌హిళ‌పై దాదాపు 10 వ‌ర‌కు కుక్క‌లు దాడికి య‌త్నించాయి. కుక్క‌ల బారి నుండి త‌ప్పించుకోబోయే క్ర‌మంలో ఆమె కింద‌ప‌డిపోయి గ‌ట్టిగా కేక‌లు వేసింది. ఆ దారిలో ఎవ‌రూ రాక పోయే స‌రికి ఆమె నిమిషానికి పైగా ఆమె శున‌కాల త‌ప్పించుకోవ‌డానికి ప్ర‌య‌త్నించింది. అనంత‌రం ఓ ద్విచ‌క్ర‌వాహ‌న‌దారుడు, ఓ కారు రావ‌డంతో ఆ కుక్క‌లు అక్క‌డినుండి వెళ్లిపోయాయి. సిసిటివిలో రికార్డ‌యిన దృశ్యాలు స్థానికుల‌ను భ‌యాందోళ‌న‌కు గురిచేసింది.