పీర్జాదిగూడ‌లోని తీన్మార్ మ‌ల్ల‌న్న కార్యాల‌యంపై దాడి..
హైద‌రాబాద్ (CLiC2NEWS): గుర్తు తెలియ‌ని వ్య‌క్తులు ఆదివారం తీన్మార్ మ‌ల్ల‌న్న కార్యాల‌యంపై దాడి చేశారు. మేడిప‌ల్లి పోలీస్ స్టేష‌న్ ప‌రిధిలోని పీర్జాదిగూడలో ఉన్న‌టువంటి మ‌ల్ల‌న్నకు చెందిన ఓ కార్యాల‌యంలో ఆదివారం దాడి జ‌రిగింది. దీంతో అక్క‌డ ఉద్రిక్త వాతావ‌ర‌ణం నెల‌కొంది. ఆ కార్యాల‌యంలోనే క్యూ న్యూస్ ఛాన‌ల్ నిర్వ‌హిస్తున్నారు. కొంద‌రు దుండ‌గులు ఆఫీస్‌లోని ఫ‌ర్నిచ‌ర్‌, కంప్యూట‌ర్లు ధ్వంసం చేసిన‌ట్లు స‌మాచారం. ఆఫీసు సిబ్బంది, మ‌ల్ల‌న్న అనుచ‌రులు రోడ్ల‌పైకి వ‌చ్చి ఆందోళ‌న‌కు దిగారు. స‌మాచారం అందుకున్న పోలీసులు ఘ‌ట‌నా స్థ‌లానికి చేరుకున్నారు. ఆందోళ‌న చేస్తున్న వారిని అదుపులోకి తీసుకున్నారు. కార్యాల‌య్య‌న్ని ప‌రిశీలించారు.