ఎడ్సెట్ -2023 షెడ్యూల్ విడుద‌ల
హైద‌రాబాద్ (CLiC2NEWS): బిఎడ్ కోర్సులో ప్ర‌వేశాల కొర‌కు నిర్వ‌హించే టిఎస్ ఎడ్సెట్ ప‌రీక్ష షెడ్యూల్ ఉన్న‌త విద్యామండ‌లి విడుద‌ల చేసింది. మార్చి నెల 4వ తేదీన ఎడ్సెట్ నోటిఫికేష‌న్ విడుద‌ల కానుంది. 6వ తేదీ నుండి ద‌ర‌ఖాస్తుల స్వీక‌ర‌ణ జ‌రుగుతుంది. మే 5 నుండి వెబ్‌సైట్‌లో హాల్ టికెట్లు అందుబాటులో ఉంటాయి. మే 18వ తేదీన ప్ర‌వేశ ప‌రీక్ష నిర్వ‌హిస్తారు. 21వ తేదీన ప్రాథ‌మిక కీ విడుద‌ల చేయ‌నున్నారు.
అభ్య‌ర్థులు ఆన్‌లైన్‌లో ద‌ర‌ఖాస్తు చేసుకోవాల్సి ఉంటుంది. ఎస్‌సి, ఎస్‌టి, పిహెచ్ అభ్య‌ర్థులు రూ. 500, ఇత‌ర కేట‌గిరీలు రూ. 700 తో ఏప్రిల్ 20 వ‌ర‌కు ద‌ర‌ఖాస్తు చేసుకోవ‌చ్చు. రూ.250 ఆల‌స్య రుసుముతో ఏప్రిల్ 25 వ‌ర‌కు ద‌ర‌ఖాస్తు చేసుకునేందుకు అవ‌కాశం క‌ల్పించారు.