ప్రెసిడెంట్ మెడ‌ల్ అందుకున్న హెడ్ కానిస్టేబుల్..
హైద‌రాబాద్ (CLiC2NEWS): న‌గ‌రానికి చెందిన ఓ హెడ్ కానిస్టేబుల్ కు ప్ర‌తిష్టాత్మ‌క‌మైన ప్రెసిడెంట్ మెడ‌ల్ ఫ‌ర్ గ్యాలెంట్రీ ప‌త‌కం ద‌క్కింది. ఈ సంద‌ర్భంగా రాష్ట్ర డిజిపి జితేంద‌ర్ కానిస్టేబుల్‌ని అభినందించారు. మాదాపూర్ సిసిఎస్‌లో పనిచేస్తున్న హెడ్ కానిస్టేబుల్ యాద‌య్య‌కు ఈ అవార్డు వ‌చ్చింది. రాష్ట్ర డిజిపి అడిష‌న‌ల్ డిజిపి సంజయ్ కుమార్‌, ఐజిలు విజ‌య్ కుమార్‌, ర‌మేశ్.. కానిస్టేబుల్‌ని స‌త్క‌రించారు.
హెడ్ కానిస్టేబుల్ యాద‌య్య 2022లో ఓ చైన్‌స్నాచింగ్ కేసును ఛాలెంజ్‌గా తీసుకొని నిందుతుల‌ను పట్టుకున్నారు. ఈ క్ర‌మంలో ఆయ‌న అనేక ఇబ్బందుల‌కు గుర‌య్యారు. దుండ‌గులు కానిస్టేబుల్‌పై క‌త్తితో దాడి చేసినా.. నిందితుల‌ను ప‌ట్టుకోవ‌డానికి వెనుకంజ వేయ‌లేదు. నిందితులు గత‌లంలో క‌ర్ణాట‌క లోని గుల్బ‌ర్గ జిల్లా అశోక్‌న‌గ‌ర్ పోలీస్ స్టేష‌న్‌పై దాడి, ప‌లుచోట్ల దోపిడి, దొంగ‌త‌నాల‌క పాల్ప‌డిన‌ట్లు పోలీసులు గుర్తించారు.