Hyd: హైదరాబాద్లో భారీ వర్షం
హైదరాబాద్ (CLiC2NEWS): తెలంగాణ రాజ‌ధాని హైదరాబాద్లో భారీ వర్షం కురిసింది. ఇవాళ (శ‌నివారం) పొద్దుపోయాక ఈదురుగాలులతో కూడిన వాన వల్ల కార్యాలయాల నుంచి ఇళ్లకు వెళ్లే ఉద్యోగులు తీవ్ర ఇబ్బందులు పడ్డారు. నగరంలోని సికింద్రాబాద్, ప్యారడైజ్, ప్యాట్నీ, రైల్వే స్టేషన్, చిలకలగూడ, బోయిన్పల్లి, అల్వాల్, తిరుమలగిరి, కోఠి, హబ్సిగూడ, నాచారం, బీఎన్‌రెడ్డినగర్‌, వనస్థలిపురం, ఎల్బీనగర్, నాగోల్‌, కూకట్‌పల్లి, అల్విన్‌ కాలనీ, హైదర్‌నగర్, వివేకానందనగర్‌, సోమాజీగూడ, హిమాయత్‌నగర్, నారాయణగూడ, బాగ్‌లింగంప‌ల్లి, నాంపల్లి, బషీర్‌బాగ్, అంబర్పేట, గోల్నాక, నల్లకుంట, ఖైరతాబాద్‌, పంజాగుట్ట, ఎస్‌.ఆర్‌.నగర్‌, జూబ్లిహిల్స్‌, బంజారాహిల్స్‌, అమీర్‌పేట్ కర్మన్ఘాట్, పాతబస్తీ, సైదాబాద్, అబ్దుల్లాపూర్మెట్ తదితర ప్రాంతాల్లో భారీ వర్షం కురిసింది. భారీ వర్షం కారణంగా రహదారులపైకి నీరు చేరింది. పలుచోట్ల డ్రైనేజీలు పొంగిపొర్లుతున్నాయి. పలుచోట్ల రాకపోకలకు అంతరాయం కలిగింది. పలు ప్రాంతాల్లో విద్యుత్ సరఫరా నిలిచిపోయింది.