IndiGo: దేశీయ మార్గాల్లో బిజినెస్ క్లాస్ సీట్లు..
ఢిల్లీ (CLiC2NEWS): ప్ర‌ముఖ విమాన‌యాన సంస్థ ఇండిగో.. కార్య‌క‌లాపాలు ప్రారంభ‌మై 18 ఏళ్లు పూర్త‌యిన సంద‌ర్బంగా కీల‌క ప్ర‌క‌ట‌న చేసింది. 12 ఎంపిక చేసిన దేశీయ మార్గాల్లో బిజెనెస్ క్లాస్ సీట్ల‌ను ప్ర‌వేశ‌పెడుతున్న‌ట్లు వెల్ల‌డించింది. ఇవి నవంబ‌ర్ నుండి అందుబాటులోకి రానున్న‌ట్లు స‌మాచారం. కొత్త‌గా ప్ర‌వేశ‌పెడుతున్న బిజినెస్ క్లాస్ టికెట్లు ఈ మంగ‌ళ‌వారం నుండి బుకింగ్‌కు అందుబాలోకి రానున్నాయి. ఈ మేర‌కు ఇండిగో సిఇఒ పీట‌ర్ ఎల్బ‌ర్స్ వెల్ల‌డించారు. ఇప్ప‌టి వ‌ర‌కు భార‌త్‌లో టాటాగ్రూప్ యాజ‌మాన్యంలోని ఎయిరిండియా, ఎయిరిండియా ఎక్స్‌ప్రెస్‌, విస్తారా మాత్ర‌మే దేశీయ మార్గాల్లో బిజినెస్ క్లాస్ సీట్ల‌ను ఆఫ‌ర్ చేస్తున్నాయి.
ఇండిగో సంస్త ప్ర‌స్తుతం రోజు 2,000 విమాన స‌ర్వీసుల‌ను 120 గ‌మ్య‌స్థానాల‌కు న‌డుపుతుంది. వీటిలో 33 విదేశీ న‌గ‌రాలున్నాయి. ఈ ఆర్ధిక సంవ‌త్స‌రం మ‌రో ఏడు అంత‌ర్జాతీయ గమ్య స్థానాల‌కు విమాన స‌ర‌వీసుల‌ను ప్రారంభించ‌నున్న‌ట్లు సంస్థ వెల్ల‌డించింది.