కౌశిక్‌రెడ్డికి ఉజ్వల భవిష్యత్ ఉంది: ముఖ్య‌మంత్రి కెసిఆర్
హైదరాబాద్‌ (CLiC2NEWS): రాష్ర్టాభివృద్ధిని కాంక్షిస్తూ టీఆర్‌ఎస్‌ పార్టీలో చేరిన కౌశిక్‌రెడ్డికి ఉజ్వల భవిష్యత్ ఉందని తెలంగాణ ముఖ్య‌మంత్రి కెసిఆర్ అన్నారు. కౌశిక్‌రెడ్డి భవిష్యత్‌కు మంచి మార్గం ఏర్పాటు చేస్తానని మాటిస్తున్నట్లు సీఎం తెలిపారు. పాడి కౌశిక్‌రెడ్డి ని బుధవారం ముఖ్య‌మంత్రి కెసిఆర్ గులాబీ కండువా క‌ప్పి టీఆర్‌ఎస్‌లోకి ఆహ్వానించారు. తెలంగాణ భవన్‌లో జరిగిన ఈ కార్యక్రమంలో సీఎం మాట్లాడుతూ.. రాష్ట్ర అభ్యుదయాన్ని కాంక్షించి,అభివృద్ధిలో భాగస్వామ్యం కావాలనే ఉద్దేశ్యంతో టీఆర్‌ఎస్‌లోకి వచ్చిన మిత్రులందరికీ స్వాగతం అన్నారు. ఎన్నో అవమానాలు ఎదుర్కొని ఉద్యమం కొనసాగించాం. ప్రొ.జయశంకర్‌ సలహాలతో ఉద్యమాన్ని నడిపాం. రాష్ర్టాన్ని సాధించాం. ప్రజాస్వామ్యంలో పార్టీలు ఓడడం, గెలవడం నిరంతర ప్రక్రియ అన్నారు. శాశ్వతంగా ఎవరూ అధికారంలో ఉండరన్నారు. ఇది రాచరిక వ్యవస్థ కాదన్నారు. తెలంగాణలో ప్రభుత్వ ఫలితాలు ప్రజల కళ్లముందున్నట్లు సీఎం కెసిఆర్ పేర్కొన్నారు.