LockDown: నిబంధనలు ఉల్లంఘిస్తే కఠిన చర్యలు: సిపి సజ్జనార్
హైదరాబాద్ (CLiC2NEWS): కరోనా క‌ట్ట‌డిడో భాగంగా విధించిన లాక్‌డౌన్‌ నిబంధనలు ఉల్లంఘిస్తే కఠిన చర్యలు తప్పవని సైబరాబాద్ సిపి సజ్జనార్ తెలిపారు. నగరంలోని మియాపూర్‌ పరిధిలో లాక్‌డౌన్‌ అమలు తీరును గురువారం ఆయ‌న సమీక్షించారు. ఈ క్ర‌మంలో జేపీనగర్‌, చందానగర్‌ తారానగర్‌ మార్కెట్లతోపాటు రాజీవ్‌ గృహకల్ప కాలనీల్లో పర్యటించి పోలీసులు లాక్‌డౌన్‌ అమలు చేస్తున్న తీరు పరిశీలించారు.
ప్రజల సహకారంతోనే కరోనా కట్టడి సాధ్యమని, ప్రతి ఒక్కరూ ఇందుకు సహకరించాలని కోరారు. లాక్‌డౌన్‌ సమయంలో వాహనదారులు రోడ్లపైకి వస్తే కఠిన చర్యలు తీసుకుంటామని సజ్జనార్ హెచ్చరించారు.