మంచిర్యాల: టాపీ మేస్త్రీల కు భ‌వ‌న నిర్మాణ సంఘం ఆర్థిక సాయం

మంచిర్యాల (CLiC2NEWS): మంచిర్యాల జిల్లా కేంద్రంలో చినిపోయిన టాపీ మేస్త్రీల కుటుంబ స‌భ్యుల‌కు, గాయ‌ప‌డిన మేస్త్రీల‌కు భ‌వ‌న నిర్మాణ సంఘం ఆర్థిక సాయం అంద‌జేసింది. ఆదివారం భ‌వ‌న నిర్మాణసంఘ కార్యాల‌యంలో జ‌రిగిన ఈ కార్య‌క్ర‌మంలో అర్హుల‌కు రెండు లక్షల రూపాయలు ఆర్థిక సహాయం చేయడం జరిగిందని అధ్యక్షుడు రామ్ రాజయ్య ఒక ప్ర‌క‌ట‌న‌లో తెలిపారు. ఈ సంద‌ర్భంగా అధ్యక్షుడు రామ్ రాజయ్య మాట్లాడుతూ.. భ‌వ‌న నిర్మాణ కార్మికుల సంక్షేమం కోసం భ‌వ‌న నిర్మాణ సంఘం పాటు ప‌డుతుంద‌ని పేర్కొన్నారు. ఈ కార్య‌క్ర‌మంలో ప్రధాన కార్యదర్శి దెబ్బటి శ్రీనివాస్, కోశాధికారి ఎనగందుల అంకుస్‌, ఉపాధ్యక్షుడు పెద్ద పెళ్లి సూరయ్య, ఉప కార్యదర్శి మామిడి శ్రీనివాస్, ప‌లువురు కార్యవర్గ సభ్యులు పాల్గొన్నారు.