ఏలూరు: అంత‌ర్రాష్ట్ర దొంగ‌ల ముఠాను అరెస్టు చేసిన నూజివీడు పోలీసులు
ఏలూరు (CLiC2NEWS): ప‌ట్ట‌ప‌గ‌లే చోరీల‌కు పాల్ప‌డుతున్న అంత‌ర్రాష్ట్ర దొంగ‌ల ముఠాను పోలీసులు అరెస్టు చేశారు. చెడు అల‌వాట్ల‌కు బానిసై , ఇళ్ల‌లో ఎవ‌రు లేని స‌మ‌యంలో చోరీలు చేస్తున్న ఐదుగురు స‌భ్యుల‌ను ఏలూరు జిల్లా నూజివీడు పోలీసులు అదుపులోకి తీసుకున్నారు. వీరిపై 28 కేసులు న‌మోదైన‌ట్లు పోలీసులు మీడియా స‌మావేశంలో తెలిపారు.
ఖ‌మ్మం జిల్లాకు చెందిన బేలూరి హిమ‌క‌ర్‌, చింత‌ల‌పూడి గ్రామానికిచెందిన కొప్ప‌ల నాగ పుల్లారావు, అశ్వారావు పేట‌కు చెందిన చైత‌న్య, కృష్ణా జిల్లాకు చెందిన భూక్యా త‌రుణ్‌, అజ్మీర న‌వీన్ .. ఈ ఐదుగురు ముఠా ఏర్ప‌డి తెలుగు రాష్ట్రాల్లో ప‌లు చోరీల‌కు పాల్ప‌డ్డ‌ట్లు పోలీసులు తెలిపారు. వారి వ‌ద్ద నుండి రూ. 44ల‌క్ష‌ల విలువ చేసే 590గ్రాముల బంగారం, 1630 గ్రాముల వెండి వ‌స్తువుల‌ను, 3 బైక్‌లు, రూ.60 వేల న‌గ‌దును స్వాధీనం చేసుకున్నారు.