రామగుండం పోలీసు కమీషనరేట్: కమ్యూనిటీ కాంటాక్ట్ ప్రోగ్రాం
మంచిర్యాల (CLiC2NEWS): మంచిర్యాల జోన్ వేమనపల్లి మండలంలోని నీల్వాయి పోలీసుల ఆధ్వర్యంలో కల్లంపల్లి, ముక్కిడి గూడెం గ్రామంలో కమ్యూనిటీ కాంటాక్ట్ ప్రోగ్రాం నిర్వ‌హించారు. గ్రామస్తులతో మాట్లాడి గ్రామంలో ఎలాంటి సమస్యలు అయిన ఉన్నాయా, మావోయిస్టులకు సంభందించి మరియు వారి కదలికలు ఈ ప్రాంతంలో ఉన్నాయా అని అడిగి తెలుసుకున్నారు. పోలీసులు ప్రజలకు ఎల్లప్పుడూ అందుబాటులో ఉంటారని, మీ భద్రత మా బాద్యత అని వారికీ చెప్పడం జరిగింది. మావోలు గాని అనుమానస్పద వ్యక్తులు కనిపిస్తే, ఎలాంటి సమాచారం ఉన్న సంబందిత అధికారులకు చెప్పాలన్నారు . సంఘవిద్రోహక శక్తులకు సహకరించవద్దని యువత తమ భవిష్యత్తు నాశనం చేసుకోవద్దన్నారు .
ప్రాణహిత పరివాహక, మావోయిస్టు ప్రభావిత ప్రాంతాల్లో ఏరియా డామినేషన్, ఫెర్రి పాయింట్స్ స్పెషల్ పార్టీస్, పోలీసులతో ముమ్మర తనిఖీలు నిర్వ‌హించారు. స్థానిక పోలీస్ సిబ్బందితో కలిసి కల్వర్టు లను చెక్‌చేసి పడవలు నడిపెవారితొ మాట్లాడి సమాచారం తెలుసుకున్నారు. అక్క‌డ చాపలు పట్టే వారితో మాట్లాడి అక్కడి వివరాలు అడిగి తెలుసుకున్నారు.