`సెభాష్‌.. ఆడాగాదు ఈడాగాదు అమీరోళ్ల మేడాగాదు`.. భీమ్లా నాయ‌క్ టైటిల్ సాంగ్ అదుర్స్‌..

హైద‌రాబాద్‌ (CLiC2NEWS): ప‌వ‌ర్‌స్టార్ ప‌వ‌న్ క‌ల్యాణ్ అభిమానుల‌కు స‌ర్‌ప్రైజ్ వ‌చ్చేసింది. యంగ్ డైరెక్టర్ సాగర్ చంద్ర డైరెక్ట్ చేస్తున్న `భీమ్లాన‌య‌క్‌`నుంచి ఫ‌స్ట్ సింగిల్ విడుద‌లైంది. త్రివిక్రమ్ కథ, స్క్రీన్ ప్లే అందిస్తున్న ఈ చిత్రంలో ప‌వ‌ర్‌స్టార్ ప‌వ‌న్ క‌ల్యాణ్ ప‌వ‌ర్‌ఫుల్ పోలీసు పాత్ర‌లో క‌నిపించ‌నున్నారు. గురువారం ప‌వ‌న్ క‌ల్యాణ్ పుట్టిన రోజు సంద‌ర్భంగా ఈ సినిమా నుంచి టైటిల్ సాంగ్ విడుద‌లైంది. `సెభాష్‌.. ఆడాగాదు ఈడాగాదు అమీరోళ్ల మేడాగాదు` అంటూ సాగే ఈ జాన‌ప‌ద గీతం ఆద్యంతం ఆక‌ట్టుకునేలా సాగింది. ఈ పాట అభిమానుల‌ను ఎంత‌గానో అల‌రిస్తోంది.

ఈ సాంగ్ మాస్ ప్రేక్ష‌కుల‌కి మాంచి కిక్కిచ్చేలా ఉంది. రామజోగయ్య శాస్త్రి లిరిక్స్, థ‌మ‌న్ సంగీతం అద్భుతంగా ఉంది. ఇక సింగ‌ర్స్ శ్రీ కృష్ణ‌, పృథ్వీ చంద్ర‌, రామ్ మిర్యాలా గాత్రం కూడా బాగుంది. ప‌వ‌న్ బ‌ర్త్ డే సంద‌ర్భంగా విడుద‌లైన టైటిల్ సాంగ్ రికార్డ్‌లు బ‌ద్ద‌లు కొట్ట‌డం ఖాయంగా క‌నిపిస్తుంది.

ఈ చిత్రంలో పవన్ కళ్యాణ్ సరసన నిత్యామీనన్ కథానాయికగా నటిస్తోంది. ఈ చిత్రాన్ని సితార ఎంటర్‌టైన్‌మెంట్స్‌ పతాకంపై సూర్యదేవర నాగవంశీ ఈ చిత్రాన్ని నిర్మిస్తున్నారు.

అయ్యప్పనుమ్ కోషియుమ్‌లో అయ్యప్పన్ నాయర్ పాత్రలో పవన్ కల్యాణ్ నటిస్తోన్నారు. ఒరిజినల్ మూవీలో బిజూ మీనన్ నటించిన క్యారెక్టర్ అది. కోషి కురియన్‌గా కనిపించిన పృథ్వీరాజ్ సుకుమారన్ పాత్రలో రానా నటిస్తోన్నారు. కాగా భీమ్లా నాయక్ 2022 సంక్రాంతికి ప్రేక్ష‌కుల ముందుకు రానుంది.