నిఖ‌త్ జ‌రీన్‌కు అభినంద‌న‌లు తెలిపిన వెంక‌టేశ్వ‌ర రెడ్డి

హైద‌రాబాద్ (CLiC2NEWS): కామ‌న్‌వెల్త్ గేమ్స్‌కు ఎన్నికైన నిఖ‌త్‌జ‌రీన్‌కు రాష్ట్ర స్పోర్ట్స్ అథారిటీ చైర్మ‌న్ అల్లీపురం వెంక‌టేశ్వ‌ర రెడ్డి శుభాకాంక్ష‌లు తెలిపారు. ఢిల్లీ ఇందిరాగాంధీ స్టేడియం వేదిక‌గా సెల‌క్ష‌న్ ట్ర‌య‌ల్స్ గురువారం ప్రారంభ‌మ‌య్యాయి. దీనిలో భాగంగా జ‌రిగిన 50 కిలోల విభాగం తొలి బౌట్లో నిఖ‌త్ 5-0 తేడాతో స‌విత (హ‌ర్యానా)పై గెలుపొందింది. శుక్ర‌వారం జ‌రిగిన సెమీ ఫైన‌ల్ బౌట్‌లో 7-0 తేడాతో అనామికా (రైల్వేస్‌) పై విజ‌యం సాధించింది.

శనివారం జ‌రిగిన ఫైన‌ల్ బౌట్‌లో 7-0 తోడాతో మీనాక్షి(హ‌ర్యానా)పై విజ‌యం సాధించి.. కామ‌న్ వెల్త్ గేమ్స్‌కు అర్హ‌త సాధించింది. జులై నెల‌లో లండ‌న్‌, బ‌ర్మింగ్ హోమ్‌లో జ‌రిగే పోటీల్లో పాల్గొన‌నున్న‌ది. ఈ సంద‌ర్భంగా వెంక‌టేశ్వ‌ర్ రెడ్డి ఆమెను అభినందించి, పోటీల్లో విజ‌యం సాధించాల‌ని ఆశాభావం వ్య‌క్తం చేశారు.