TOA: తెలంగాణ ఒలింపిక్ అసోసియేష‌న్ ఎన్నిక‌లు
హైద‌రాబాద్ (CLiC2NEWS): తెలంగాణ ఒలింపిక్ అసోసియేష‌న్ (టిఒఎ) ఎన్నిక‌లు గురువారం ఎల్‌బి స్టేడియంలోని ఒలింపిక్ భ‌వ‌న్ వేదిక‌గా నిర్వ‌హించారు. రాష్ట్ర ప్ర‌భుత్వ క్రీడా స‌ల‌హాదారు ఎపి జితేంద‌ర్‌రెడ్డి, రాష్ట్ర బాడ్మింట‌న్ అసోసియేష‌న్ ఉపాధ్య‌క్షుడు చాముండేశ్వ‌ర్‌నాథ్ అధ్య‌క్ష ప‌ద‌వికి పోటీప‌డ్డారు. గురువారం ఉద‌యం నుండి సాయంత్రం వ‌ర‌కు జ‌రిగిన పోలింగ్‌లో 59 ఓట్లు పోల‌య్యాయి. ప్ర‌ధాన కార్య‌ద‌ర్శి పదవి కోసం బాబురావు, మ‌ల్లారెడ్డి మ‌ధ్య పోటీ ఉంది. కోశాధికారి పదవి కోసం స‌తీష్ గౌడ్‌, ప్ర‌దీప్ కుమార్ మ‌ధ్య పోటీ నెల‌కొంది. మొత్తం 68 మంది స‌భ్యులు ఉండగా.. 59 ఓట్లు పోల‌యిన‌ట్లు స‌మాచారం. ఎన్నిక‌ల ఫ‌లితాలు త‌ర్వాత ప్ర‌క‌టించ‌నున్నారు.