నేటి నుండి హైద‌రాబాద్ నుమాయిష్ ప్రారంభం..

హైద‌రాబాద్ (CLiC2NEWS): క‌రోనా కార‌ణంగా ర‌ద్ద‌యిన హైద‌రాబాద్ నుమాయిష్ తిర‌గి ప్రారంభ‌మ‌వ‌నుంది. అఖిల భార‌త పారిశ్రామిక ప్ర‌ద‌ర్శ‌న నుమాయిష్ ఈ రోజునుండి ప్రారంభం కానుంది. ఎగ్జిబిష‌న్ సొసైటీ నిర్వాహ‌కులు అందుకు త‌గిన ఏర్పాట్లు పూర్తిచేశారు. ప్ర‌తి ఏడాది 2500 స్టాళ్ల‌ను ఏర్పాటు చేసేవారు. ఈ సంవ‌త్స‌రం కొవిడ్ నిబంధ‌న‌ల‌కు అనుస‌రించి 1500 స్టాళ్ల‌ను మాత్ర‌మే ఏర్పాటు చేస్తున్నారు. నుమాయిష్‌లో మొట‌ల్ డిటెక్ట‌ర్లు, సిసి కెమెరా ఏర్పాటుతో పాటు పోలీస్ శాఖ ద్వారా బందోబ‌స్తు ఏర్పాటుచేస్తున్నారు. సంద‌ర్శ‌న‌కు వ‌చ్చే వారిని త‌నిఖీ చేసి లోపలికి అనుమ‌తిస్తారు. థ‌ర్మ‌ల్ స్క్రీనింగ్ , శానిటైజ‌ర్స్ కూడా అందుబాటులో ఉంచ‌తారు. ఆరోగ్య భ‌ద్ర‌తా చ‌ర్యలు తీసుకుంటున్నట్లు నిర్వాహ‌కులు తెలియ‌జేశారు.