TS Corona: భారీగా తగ్గిన కరోనా కేసులు

హైదరాబాద్ (CLiC2NEWS): తెలంగాణలో కరోనా కేసులు తగ్గుముఖం పడుతున్నాయి. వారం కిందట వరకు దాదాపు ఎనిమిది వేలకు నమోదైన కేసులు ఇప్పుడు 5 వేలకు చేరాయి. గ‌డిచిన 24 గంట‌ల వ్య‌వ‌ధిలో తెలంగాన‌లో 5,186 పాజిటివ్ కేసులు న‌మోద‌య్యాయి. ఈ మేర‌కు శ‌నివారం సాయంత్రం రాష్ట్ర వైద్య ఆరోగ్య‌శాఖ క‌రోనా బులిటెన్ విడుద‌ల చేసింది. తెలంగాణ వైద్యారోగ్య శాఖ మళ్లీ సాయంత్రం పూట కరోనా బులెటిన్‌ విడుదల చేయడం ప్రారంభించింది. నిన్నటి వరకు ఉదయం విడుదల చేస్తుండగా తాజాగా సాయంత్రానికి మార్చారు.

కొత్త‌గా రాష్ట్రంలో క‌రోనా బారిన‌ప‌డి 38 మరణాలు సంభవించాయి. అలాగే 24 గంటల్లో 7,994 మంది చికిత్స పొందుతూ డిశ్చార్జ్‌ అయ్యారు. ఇప్ప‌టి వ‌ర‌కు రాష్ట్రంలో కరోనా నుంచి మొత్తం 4,21,219 మంది కోలుకున్నారు. రాష్ట్రంలో ప్రస్తుతం 68,462 యాక్టివ్‌ కేసులు ఉన్నాయి. రాష్ట్రవ్యాప్తంగా ఇప్ప‌టి వ‌ర‌కు మొత్తం కరోనా కేసులు 4,92,385. మొత్తం మృతుల సంఖ్య 2,704. అత్యధికంగా గ్రేట‌ర్ హైదరాబాద్ ప‌రిధిలో 904 మందికి పాజిటివ్ నిర్ధార‌ణ అయింది. అలాగే  మేడ్చల్‌ మల్కాజిగిరి జిల్లాలో కేసులు నమోదవుతున్నాయి. అత్యల్పంగా కొమురం భీం ఆసిఫాబాద్‌, నారాయణపేట జిల్లాలో కేసులు వెలుగులోకి వస్తున్నాయి.