శంషాబాద్ ఎయిర్‌పోర్ట్‌లో భారీగా బంగారం ప‌ట్టివేత‌

హైద‌రాబాద్‌ (CLiC2NEWS): శంషాబాద్ విమానాశ్ర‌యంలో అక్ర‌మంగా త‌ర‌లిస్తున్న రెండున్న‌ర కిలోల‌ బంగారాన్ని అధికారులు గుర్తించారు. ఓ ప్ర‌యాణికుడు వ‌ద్ద నుండి 2715.80 గ్రాముల‌ బంగారాన్ని క‌స్ట‌మ్స్ అధికారులు స్వాధీనం చేసుకున్నారు. దీని విలువ సుమారు రూ. కోటి 36 ల‌క్ష‌లు ఉంటుందిని అధికారులు వెల్ల‌డించారు. దుబాయ్ నుండి వ‌చ్చిన ప్ర‌యాణికుడు రెండున్న‌ర కిలోల‌ల‌కు పైగా బంగారాన్ని పేస్టుగా చేసి తీసుకువ‌చ్చాడు. ఆ బంగారాన్ని కస్ట‌మ్స్ అధికారులు సీజ్ చేసి నిందితుడిని అదుపులోకి తీసుకున్నారు.