`ఆర్ఆర్ఆర్` దేశభక్తి సినిమా కాదు: యూనిట్‌
హైదరాబాద్‌ : ఆర్ఆర్ఆర్ సినిమా నుండి మరో పోస్టర్‌ విడుదలైంది. కరోనా కారణంగా నిలిచిపోయిన సినిమా షూటింగ్‌ ఇటీవల ప్రారంభమైన సంగతి తెలిసిందే. ఇప్పటికే 80 శాతం చిత్రీకరణను పూర్తి చేసుకున్న ఈ సినిమా రెండు నెలల పాటు కంటిన్యూ షెడ్యూల్‌ను పూర్తి చేసుకునేలా ప్లాన్స్‌ చేశారు. ఈ నెల 22న రామరాజు ఫర్‌ భీమ్‌ టీజర్‌ను కూడా విడుదల చేయబోతున్నారు. ఈ క్రమంలో రాజమౌళి పుట్టినరోజు(అక్టోబర్‌ 10)న చిత్ర యూనిట్‌ రెండు చేతులు పట్టుకుని ఉండే లుక్‌ను విడుదల చేసింది. ఈ సినిమా నుండి మరో పోస్టర్‌ ను ఆర్ఆర్ఆర్ తమ అధికారిక ట్విట్టర్‌ ఖాతాలో పోస్ట్‌ చేసింది. వెనుక అశోక ధర్మ చక్రం, ముందు అల్లూరి, భీమ్‌ చేతులు కలిపినట్లు ఈ పోస్టర్‌ ఉంది. అయితే “‘ఆర్ఆర్ఆర్’ లో ఎన్టీఆర్‌, చరణ్‌లు కలుసుకుంటారు. ఫొటోలో ఉండేది వారి చేతులే. కానీ ఇది ఫిక్షనల్‌ మూవీయే తప్ప దేశభక్తి చిత్రం కాదు” అంటూ కామెంట్స్‌కు యూనిట్‌ క్లారిటీ ఇచ్చింది. రాజమౌళి రూపొందిస్తున్న ఈ భారీ సినిమా కోసం ప్రేక్షకులు ఉత్సాహంగా ఎదురుచూస్తున్నారు.
🔥🤝 🌊 #RRR pic.twitter.com/4EfS3fwWCB
— 𝗥𝗥𝗥 𝗠𝗼𝘃𝗶𝗲 (@RRRMovie) October 10, 2020