తెలంగాణలో కొత్తగా 518 కరోనా కేసులు

హైదరాబాద్‌: తెలంగాణ‌లో గడిచిన 24 గంటల్లో 518 కొవిడ్‌ పాజిటివ్‌ కేసులు నమోదయ్యాయి. తాజాగా నమోదైన కేసులతో కేసుల సంఖ్య 2,84,074కు పెరిగింది. కొత్తగా 491 మంది మహమ్మారి నుంచి కోలుకోగా.. మొత్తం 2,75,708 మంది కోలుకున్నారు. మరో ముగ్గురు వైరస్‌కు బలవగా.. మొత్తం 1527 మంది మరణించారు. ఈ మేర‌కు రాష్ట్ర వైద్య ఆరోగ్య‌శాఖ బులిటెన్ విడుద‌ల చేసింది. రాష్ట్రంలో కరోనా మరణాల రేటు 0.53శాతంగా ఉందని, రికవరీ రేటు 97.05శాతంగా ఉందని ఆరోగ్యశాఖ పేర్కొంది. ప్రస్తుతం రాష్ట్రంలో 6839 యాక్టివ్‌ కేసులున్నాయని, మరో 4723 మంది హోం ఐసోలేషన్‌లో ఉన్నారని చెప్పింది. గురువారం ఒకే రోజు రాష్ట్రవ్యాప్తంగా 44,869 శాంపిల్స్‌ పరీక్షించామని, ఇప్పటి వరకు 66,55,987 టెస్టులు చేసినట్లు వివరించింది. తాజాగా నమోదైన కేసుల్లో అత్యధికంగా గ్రేటర్‌ హైదరాబాద్‌లో 91, రంగారెడ్డి జిల్లాలో 41, మేడ్చల్‌ మల్కాజ్‌గిరిలో 39, వరంగల్‌ అర్బన్‌ జిల్లాలో 35 కేసులు రికార్డయ్యాయని వివరించింది.