బిగ్ బాస్: గంగవ్వకు ఘన వీడ్కోలు

బిగ్ బాస్ ఇంటిలో నుంచి ఎట్టకేలకు వెళ్లి పోయింది.. ఆమెకు బిగ్ బాస్ తో పాటు ఇంటి సభ్యులు ఘన వీడ్కోలు పలికారు.. ఇంకా కొన్నాళ్ళు వుండాలని అనుకున్నా ఆమె ఆరోగ్యం సహకరించ లేదు.. ఆ వివరాలు ప్రేక్షకులకు బిగ్ బాస్ చూపించారు.. అందరికి తలలో నాలుకగా వున్న గంగవ్వ వెళ్లి పోతుంటే అందరూ కన్నీటి పర్యంతమయ్యారు.. వ్యక్తుల మంచి , చెడు ముక్కుసూటిగానే గంగవ్వ వెళ్లేముందు చెప్పారు..

గంగవ్వ వినతులు, డాక్టర్ల సలహా మేరకు ఆమెకు ఇంటికి వెళ్ళడానికి అనుమతిస్తున్నట్టు బిగ్ బాస్ ప్రకటించారు.. ఉన్నన్నాళ్ళు చక్కగా ఆట ఆడి అందరిని మెప్పించారు.. తనకు ఆరోగ్యం సరిగా ఉండటం లేదని.. అన్నం సహించడం లేదని అందరికి వివిధ సందర్భాలలో చెప్పారు.. శని వారం ఆమెతో నాగార్జున కన్వెన్షన్ గదిలో మాట్లాడి.. పంపడానికి నిర్ణయించుకున్నారు.. తన ఇంటికి ఎలా వెళ్ళాలి అన్నప్పుడు నేను అన్ని ఏర్పాట్లు చేస్తా అని నాగార్జున హామీ ఇచ్చారు. ఒకవైపు ఇంటికి వెళుతున్న ఆనందం, మరోవైపు ఇన్నాళ్లు  కలిసి వున్న వారితో విడిపోతున్నందుకు బాధ ఆమెను ఆవహించాయి.. వెళ్లే మూడు బిగ్ బాస్ మెయిన్ గేట్ కు ఫ్రణమిల్లింది గంగవ్వ సద్ది తిన్న రేవు మరబొద్దన్నది తెలంగాణ లో సామెత.. అందుకే ఆమె ఆలా చేసింది ఈ సారి గంగవ్వ తో రేటింగ్ కూడా పెరిగింది..

బిగ్ బాస్ ఆలోచనకు కూడా ఫలితం దక్కింది. అంతే కాదు గంగవ్వ చిరకాల స్వప్నం ఇల్లు నిర్మిస్తానని నాగార్జున హామీ ఇవ్వడంతో ఇంటి సభ్యులు కరతాళ ధ్వనులు చేశారు. ఎన్నెన్నో కష్టాలను చవి చూసి వాటన్నింటిని అధిగమించి ఈ స్థాయికి రావడం విశేషం.. ఈ రోజు గంగవ్వ ప్రపంచం లోని తెలుగు వారిళ్లలో ప్రేమను , అభిమానాన్ని సంపాదించుకున్నారు.. ఆమెకు చదువు లేదు సంస్కారం వుంది.. గొప్ప నటి వుంది.. చెప్పగానే ఆకళింపు చేసుకునే శక్తి వుంది.. ఇది ఎందరికో ఆదర్శ ప్రాయం. గంగవ్వ ఎందరికో స్ఫూర్తిగా నిలిచింది.. ఆమె ఆరోగ్యం త్వరగా కుదుట పడాలని.. కొత్తగా నిర్మించే ఇంట్లో కోరిక తీరా గడిపి.. ఆమె అనుకున్నట్టు సినిమా ల్లో కూడా నటించే అవకాశం లభించాలని మనసారా కోరుకుందాం.

-టి.వేదాంత సూరి