భార‌త్‌లో కొత్తగా 13,203 కరోనా కేసులు

న్యూఢిల్లీ: భార‌త్‌లో కరోనా కేసుల సంఖ్య‌లో పెరుగుద‌ల క్ర‌మంగా త‌గ్గుతోంది. ఆదివారం నాడు 14 వేలకుపైగా న‌మోదు అవ్వ‌గా.. ఇవాళ (సోమవారం) ఉదయం వరకు 13 వేలకు తగ్గాయి. గత 24 గంటల్లో కొత్తగా 13,203 పాజిటివ్‌ కేసులు నమోదయ్యాయి. ఈ మేర‌కు కేంద్ర వైద్యారోగ్య‌శాఖ బులిటెన్ విడుద‌ల చేసింది. కొత్త కేసుల‌తో క‌లిపి మొత్తం కరోనా కేసుల సంఖ్య 1,06,67,736కు చేరింది. ఇందులో 1,84,182 కేసులు యాక్టివ్‌గా ఉండగా, 1,53,470 మంది మరణించారు. కరోనా బారినపడినవారిలో 1,03,30,084 మంది బాధితులు కోలుకున్నారు.