యుపిలో రోడ్డు ప్ర‌మాదం.. ఆరుగురు మృతి
ల‌క్నో: యుపిలోని జౌన‌పుర్ జిల్లా జ‌లాల్‌పుర్ వ‌ద్ద మంగ‌ళ‌వారం తెల్ల‌వారుజామున ట్ర‌క్కు – మ‌రో వాహ‌నం ఢీకొన‌డంతో ఘోర రోడ్డు ప్ర‌మాదం చోటుచేసుకుంది. ఈ ఘ‌ట‌న‌లో వాహ‌నంలో ప్ర‌యాణిస్తున్న వారిలో ఆరుగురు అక్క‌డిక‌క్క‌డే ప్రాణాలు కోల్పోయారు. మ‌రికొంద‌రు తీవ్రంగా గాయ‌ప‌డ్డారు. కాగా అంతిమ సంస్కారాల‌కు హాజ‌రై వార‌ణాసి నుంచి జౌన‌పుర్ వెళ్తుండగా ఈ ప్ర‌మాదం జ‌రిగింది.
పోలీసులు, స‌హాయ‌క సిబ్బంది ఘ‌ట‌నాస్థ‌లికి చేరుకుని మృత‌దేహాల‌ను స్వాధీనం చేసుకున్నారు. క్ష‌త‌గాత్రుల‌ను ఆస్ప‌త్రికి త‌ర‌లించారు. అతివేగమే ఈ ప్ర‌మాదానికి కార‌ణ‌మ‌ని పోలీసులు అనుమానిస్తున్నారు. ఈ ఘ‌ట‌న‌పై పోలీసులు కేసు న‌మోదు చేసి ద‌ర్యాప్తు చేస్తున్నారు.